FURTUI TLAK LAIA THLAI HLUN ENKAWL DAN
FURTUI TLAK LAIA THLAI HLUN ENKAWL DAN Mizoram lo leh huan neituten kan nghahhlelh em em ruahtui tlak a lo hun leh ta a. Kan thlai chin chi hrang hrangin fur ruahtui tla a ngeih em em lai hian, enkawl ngun loh chuan chhiatna nasa tak a thlen thei a ni. Vawiina kan thupui 'Furtui tlak laia thlai hlun enkawl dan' tih hi tun hunah hian thlai kum hlun a bikin ser huan neitute tan a pawimawh hlein ka hria. Fur ruahtui hian kan thei huan tan thatna tam tak thlen mah se kan hriat reng tur chu - Fur laia kan ramin kumtin ruahtui a dawn thin hi ser tana pawi thlen khawpin a tam tlangpui. Tin fur ruahtui hian lei chunglang hang tha leh leitha a len bova, thlai chaw (Nutrients) te lei hnuaiah a put bo pui a, tin, natna a sem darhin a tipung a ni. Fur ruahtui hian ser tiak hlim atanga a puitling thleng a, a pul kan tih thlentu leh tunlaia tam kan tih thlentu bul ber a ni. Heng natna hrang hrang, a zung \awih te, a zung bul leidip tawih te, a hnai (gummosis), Pu Vana saum kan tih a...