IT'S ME 2

  Spi Hauzel✍🏻
Hringnun Puanna.

Naktuk darsawm tan chaw ei lo mai rawh, zingah kan rawn kal leh ang! Tih leh pawna pen chhuah a rual nghal.

Hepa hi chu aw.. ka thian chu ni lo se ka rek bet ang a, ka sawp nek duh ang.

Rinaiin zing ka tho chu ka tho fuh phian, tuilum ka in, hei pawh ka dân pangngai bathroom-a ka awmlai chua Jeje rawn au lung lung chu ka hre thei, kan thutkhawmna pindana ka luh chuan, ka phu zuk nia, Makeup Artist lar lutuk 'Hlua Chhakchhuak' nizan lama a chanchin ka chhiar chu awi.. nizana ka hmuh ai mah khan a pa ka tih a zual.. "Bathroom hman tangkai hi sim rawh" tih pah chuan Jeje chu ka lam rawn hawi pah chuan.. "Present pe tura min ti lo hi ka lungawi hlawl lo" tih leh a tho thurha, "Tikhan lo inchei ru" tih pah in ka room-ah a lut hmak hmm hepa tak hi chu aw..
Darkua a rik dawn ruaiah min chei zo hrâm, 'Hlua' nge nge makeup hmang uchuak lo mahse, ka lang nalh tak zet tih ka inhre thei, ka kawr tur en turin room lam panin kan phei, hmm 'Jeje' a lo la chhuak fel diam tawh, kawrfual, var a seno a par khup khuh ka birthday a, ama min pek leh, pheikhawk a pum flat a senno a chunga rose inphum chu rawn la chhuakin, Bag a inrem tur nalh zet mai a rawn keng tel bawk.. hmm hepa hi chu, ka mawi loh hi a hlau ve chiang alawm..
'Hlu' i rawn kal ve dawn em? tih pah in, jeje chu ka melh zeuh, "tih ve tur a nei lo, kal ang i riltam paw'n tuar mai rawh" a ti hram nia..
Hepa hi hmangaihna pianpui nei lo an tih hi a ni hrim hrim.

Model riltam nih ai chuan, puar peng pawnga, model hmeltha titu nih ka duh zawk ka ti hrâm, 'Hlua' nuih za lutuk insum hmel chu ka nuih let sak.

Hmm hmeltha an thinrim ngai lo tih zeuh pah in, Jeje sam chu ka tuaipuat,
A thinrim leh hrim hrim.

Rinai daihin kan thleng hma, mi an lo tam ang reng, KTM Shoroom neitu fapa Naupang ber Birthday kan lawm dawn chu a ni sia.. mi hausa tihtur hre lo lutuk hi chu aw.. ka riltam tawh zia mai chu a, kawtah ka ding tu emaw hian min rawn su chawrh, tunge tih ka hriat loh leh nghal.
Kawng en ta che, tih pah chuan rum mangkhengin ka melh nghek, a palian si.. a khabehmul sei vak lo te, a mithmul dum chhah tak te, keini ang Ft 5leh tlem tan chuan a lian mah mah a ni, a nui suk duh ang lek a, ka va ngei tak.
Kan Boss in min lo ko ka hawi nasa mai ka hmu mai si lo, ka hawi vual vual a ni ringawt, ka bula ding paliana chuan min kawi her pahin, inchhung lam panin min nem phei ang dâwr dâwr a, ka va ngei mai mai tak, Jeje pawh hi a bo hmak leh nghal, Boss chu inchhungah a lo thu, hmm hei pawh mihausa te tihdan a ni maw.. tih pah in,Boss lam pan chuan ka phei an nu pawh a chhe lo hle mai!
"I ril a tam em?" tiin min zawt, â tam tho mai.. ka ti sep, ka bula ding mipa kha ka hnung lawkah a ding min en reng tih chu hmu lo mah ila, ka feel veng veng thei.. huiss kei hi eng nge ka hriat ni.

" 'Hmingte' Spi hi inhnuaiah zu hruai teh, eitur i lo pe dawn nia, kan showroom model a nih kha, a riltam chuan kan chhe vek a ni mai" tih pah a boss nui suk leh an nu lo nui ver ver chu melh zeuh pah in, ka kun ngar mai, khu ral thei ila chu ka khu nasa lutuk hi, an chhuak vek thei hial hian ka ring.

Inhnuai lam pana kan chhuk chu ka tlusual palh, ka va zak tak ka tho thei lawk lo, min pawm kang lawptu chu tunge tih ka hria ka en ngam lo, ka ke ka lo ulh niin, tuivawtin kan dep tlem chuan a zia deuh, ka pheikawk erawh ka bun zui thei dawn lo, pawi lutuk, ka ke ka tihnat vangin Boss ka bia a, haw ka dil, a lo phal lo nasa mai, "present i pe ngei tur a ni, kelawng paw'n kal mai rawh," minti tlat, huiss

Birthday lawmna hunserh an tan tep tawh, dar sawmpahnih hi pel thei lo se ka tih tum tak a ni ang, thusawi leh tawngtai chhungkaw lam in hmelhriat tirna leh, lawmthusawina hun an neih zawh chuan, a piancham kan lawm tur chu an dintir hmmm a hmel chhe hran lo ve, an unau an han ding tlar chiah chu.. Wow Paliana a hming "Benjamin Biakthansanga.' mak han tihvak ngaihna pawh ka hre lo, an dinlai chuan min melh rûn tih ka hria ka zâm takzet.

Thilpek pek hun an hawng ka khur chhe der, kelawng ngatin kan ding chhuak, hawi pawh ka hawi chhuak ngam lo, ka kûn ngul mai, thuziak leh duhsakna tihvel ka chhiar zawh chuan, kut bengthawm ka hre chat hmm over e, a ziak ka chhiar a ni mai a, ka va ngei tak, kutbengin a rawn zui vat, kan Boss rawn dingin, ani hi tiin ka chanchin a sawi, a va tul tak e aw.. ka thutna lam pana ka phei tur chu, ka kena lutuk avangin ka kal lai ka ding chat, min rawn pan vattu ka hmu ka kal thei tih entir ka tum na in, ka pen thei der lo, a mak thinrim tûnin, ka kalna tur bula thutna a hmeichhe pakhat insiamremin, min pawt thu ta ringawt, ka ke ka en vat a lo vung nasa phian.

   Boss ka haw mai dawn ka ke hi a nuam lo em mai!  tiin massage ka thawn, "lo nghak lawk ka lo thlahtir ang che chuan.. chawhlui tal min kilpui la ka tih nen" tiin min rawn chhang vat, ka nui var var ka lawm lutuk, a chakawm mahse, ka haw phawt ang e ka ti a.

Ka ding chhuak hluai ka bul thuthlengah bawk chuan ka thu thla leh hnawk, a hma khan a duk miah si lova, ka kheimit bul a sir kual chu a lo duk rūi chu niin.
Ka ding leh tur chu nghet taka min chelhtu lam hawi chuan, ka hawi phei hâ mai.

   "Mahni a tih theih loh tur tih tum buai hi, buai leh zualna a ni tih hria la" a rawn ti chang fak, keimahin ka tithei lo ka ti a mi? Eng nge i lo inrawlh ve tih pah chuan ka melh hrawk..
Ka thu hnawk a kal nal nal nia hrep tak chuan...