IT'S ME..  10

  Spi Hauzel✍🏻
Hringnun Puanna

Benji.. Lalpa awmpui hram teh aw.. ka ti a ka phun sep, ka mit chu a thim riai riai.


Benji
    Pov..

Ka ruihhlo tih ka thisenin a mamawh em em chu, ka khur hlak hlak mai, ka hmangaih leh ka duh em em hmeichhia, ka bula thu min khawngaih hmel leh, hrethiam lo taka min en mit meng chu, hmuh a har lutuk, min kalsan tura ka tih pah chuan ka vin hrâwk!
A tlan chhuak nghal daih, ka hmu zui lo.. ka inchhir zui vawng vawng, kei hian vin lo tur ka ni eng thil nge ka tih tak hrep tak chuan..
Ka thianpa lo lut chu car chahbi ka lo dil, "Eng thil nge i tih dawn?" zawhna mit meng nen min en ralh, ka rei lo vang ka lo let vat ang, i hriat ang hi a ni mai! ka ti leh nghal thuai, car chabi chu la vatin 'Spi' chu nghet zetin kawngka bula a lo ding chu ka vuana, chak lutukin ka kalpui hmawk hmawk, car chhunga nawr luh nawk nawk pah chuan ka khar nghal, motor ka ti nung nghal, Lalpa eng nge ka tih tak, ka motor khalh ka control zo lo, ka lu a hai map mai, kawng thlang thui lo tê kan lum tih chu ka hria, ka thutna piaha thu tura ka ngaih, Spi chu ka en vat, ka hmu lo hrep tak hian, ka ke ka chet dawn ka che thei der lo, car chhuanga thu chung chuan, ke ke hi pawn lamah lo awmin, motor kawngkharin a lo delh ni in, ka che sawn thei der si lo.
Bawihi ka ti tuar tuar min chhangtu tumah an awm lo a reh vawng vawng hi a ni mai, ka che sawn thei der lo leh nghal.
"In tha em?" tih pah a, kan lama sih det rawn eng pup pup chu ka hmu nghal, min pui r'u ka ti vat, "Bawiha i tha em?" ka thianpa in a tih lang lang ri chu ka chhâwn vat.
'Lo chhuk vat rawh u, Spi awmna ka hre lo min chhang si lo ka ti ngal vat' kan bul an lo thlen thlak chuan.. Bawiha lungngai suh aw... kan rawn thleng a nia, hmeichhe te tuar thawm ka hria..
'Min la chhuak vat rawh ka ti hrawk!'
Min ngaihsak hmel a lang tawh lo, thawm awmna lam a pan.
" a la thaw em? Sp i harh a ngai" tih mawlh mawlh ri ka hriat chuan... ka mang vek ka che thei si lo..
A vawikhatna atan, Pathian ka au ve ta..
Lalpa ani kha veng rawh aw.. ani ni lo vin kei hi ka nunna la zawk mai rawh, Lalpa tidam rawh ka thlah tawh ang, ka kalsan ang, ka inthiam thei tawh ngai lo vang, a nunna a chân a nih chuan, ka ti chhuak ve hial a nia.
Mahni hma sial tak pawh min ti mai thei, mahse, a dam a ngai alawm, kei mi laktlak loh vang hian, ka hmangaih hmasa ka chân tawh, chân nawn ka duh tawh lo a ni.

Cabin ka awm, tlem chuan ka ke pawh a ziaawm tawh, a ruh a lo tliak kha a nia, nithum zet zawt damdawiin ka awm tawh, mahse, a famkim si lo, nitin a harhchhuah hun ka nghak a, harh tih a nei lo, ICU  lamah aawm daih nen, ka duh duh in ka tei kual thei lo nen a va hrehawm duh tak em, ka thiltih tha lovin min nghawng viau na chu, ka theih lai tiin in thunun ka tum ve ta.. piang thar lem lo mah ila, he thil kher hi chu khawih ka tum tawh lo, ka sulhnu chhui tlak awm lo mahse, min hmangaihtu te, ka hmangaih te tan pawh, ka sim angai tiin ka rilru ka siam ve kha a nia.. zan ka mu thei lo va, ka buai fo..
A la harh chhuak lo em ni?
Tî-a ka thianpa lo lut ka zawh chuan..
A record neih ang ang rawn lek kangin, "Harh chhuak leh pawh nise, lungphu tha lo a nei dawn a, enkawl zui a nih vat loh chuan a dam rei lo vang!" beisei nei lo mit menga min melh chu ka tan chuan hremhmuna min nawr liam duh tur ang, mit meng rapthlak tak tluk zet a ni.

................
Min lo chhhiar sak thin a ka lawm lutuk e,
I chhiar lo a nih paw'n link tal min lo luh sak ve hram dawn nia u..
 Mut  tui vek u le.