DEAR EX  HAPPY BIRTHDAY
                         


Khawvelah i piang ve a ni tih pawh ka hriat ngai loh,nang pawhin ka piang ve tih pawh i hriat loh lai khan awm lo a ta awm a min din tu chuan kan pahnih in tawn na turin hun min siam sak a,ka dam chhung a ka hriat reng tur min hnutchhiah ta a ni.

         Thingtlang lian ve tak khua a seilian ka ni,nang erawh khawpui ti a sawi theih tur khawp a khaw lianah i khawsa a,dinhmun inthlau em em kha kan karah in duh tawnna a lo awm a,kan va in hmangaih thei tak,nang chu Nu leh Pa karah fapa mal duat rawn leh khawsa thei tak i ni a,kei erawh Fahrah mahni ei tur thawk a,a tul tul thawk a ei hmu ve chauh ka ni si,mahni in sit tak chung khan in ngaizawngte tih thin ang kha kan ti ve thin a nih kha,thlemna kha kan va do zo lo teuh thin tak.

In Ngaizawng tih takah kan thikthu lah kha kan pe chhe dun nasa mai si,khawkhat a awm ta lo chu thikthu vangin kan in hau ta fo a,i nu leh pa thu ngai pawimawh lo a,keimah hmu tur a kan khua i rawn pan vang vang chang khan maw lawm a vangin ka biangah mittui a tla hial thin a sin,mahni a awm ka nih vang khan mi an lo kal palh ang tiin zan rei tak tak thleng kha min menpui a(min menpui ka ti dawn nge min veng ka ti dawn zawk pawh ka hre lo e a😄) mahse zan kha a van rei lo thei tak.i kiang a ka awm khan ka thla a muang a,i kal bo leh chiah khan ka ruak vek ni mai hian ka hre thin,ka chhungte ai pawh a ka thlamuanna kha i ni a sin.

Chutia han in zui takah chuan veng chhungmi  pawhin an hre vat reng a,mi min sawina kha engah mah ngai duh lo in kan khawsak phung pawh thlak chuang lo in kan tal tal khan kan tal vel a,khang hun lai a ka hlimna kha eng sum mah hian a lei zo lo ang..

Nu leh pate an rawn in rawlh tan a,i nu leh pate nen pawh in inkhak zeuh zeuh tih ka hriat a ka rilru buai zia kha,min kalsan mai ang tih ka hlau lutuk kha mahniin ka in ngaihtuah nasa thin hle a,ka nu leh pa pawh ka dem lek lek thin a sin,chu mai a ni hleinem Kan pahnih min siamtu leh min in tawn tirtu tak pawh kha ka dem hman hial a,ka â i ti em?mahse maw nang kha ka chan ang che tih ka hlau em a ni.

Vawi 1 min hrilh lawk lo a i lo kal thut min ti hamhaih lutuk kha,ka lawm si,mak ti si,ka tap ringawt a nih kha,ka lawm a sin.ka thlamuanna i ni a,ka engkim i ni.i bike in min phur chhuak a,i bike a tang a ka tla thla kha chu kei chang lo pawh nang pawh insum zo lo in i nui ve hawk hawk a nih kha,tinge khatah khan kawngchhe lai berkher kha i rah,tun hnu hian ka lawm lo lutuk a nia.ka ngaihtuah a,mahni bialnu phur chhuak a thlauhte chu i ti ang lo em mai,kan hlimpui kha tunah chuan mittui ko chhuaktu a ni tawh a sin.

I Birthday  lawm turin inkhua
 kal tur a min sawm tum kha i la hriat ngei ka ring,engtin nge ka ngam teh lul ang,a tih chi loh lutuk,hmeichhia ka ni a,ka zahawmna hum ka duh ve a lawm,lo kal ni i la,miin 'zak thei lo' ti a  min sawi tur leh Ka Nu leh Pa an demna tawngkam an phuh chhuah ka hlauh vang a lawm,i titau kha ka hrethiam lutuk che a sin.a tawpah chuan nang mah bawk kha i lo kal leh a,hlim tak a i piancham kan hman dun kha a va hlimawm si em,i birthday cake kan zai a,min barh tur in ka hmai i tat a,tah ve ka tum kan in um tak ang lawp lawp a,kan va hlim si em,khami zan khan ka inah i riak ta ringawt a nih kha,nang thuthleng seiah i mu a,kei ka khumah bang phenah kan titi tlaivar thak a nih kha.khami zan kha i birthday kan pahnih a kan hman tawp ber tur a ni tih hre lawk i la chu i bulah khan ka mu ngei ang.


Kan hlim em em lai khan kan inkarah hmelma lo tla zep in,i chhungte bulah ka chanchin an lo sawi a thudik tawk lo an sawi vang khan i chhungte an thinrim hle a ni tiraw.Duh thlan tur an pek lai che a i awm dan tur ka mitthla hian harsa i va ti dawn tak.Khawvel a kan hmuh theih Pathian chu kan Nu leh Pate an ni tih hretu ve ve kan ni si.Kei ai a i Nu leh Pa i thlang kha ka hrethiam lutuk che kei pawh ni i la,ka ti ve maithei a sin. Nitin i hmuh theih loh ai chuan eng lai pawh a i hmuh thinte chu an hlu daih zawk ang chu,khatiang hun lai khan na ka ti a,ka tliak hnawp a ni mai,mal ngawih ngawih niin ka in hria a,mi zawng zawng hian min nuih ni mai in ka hria a,pawn pawh ka chhuak ngam lo a sin.mahse tunah chuan i thlang dik tih ka hre chho zel a sin.kei ang Fahrah mai mai ai chuan tun a i nupui ni ta,sawrkar hnathawk fel bawk si,in chhungkua ti hlim thei tu leh nu leh pa fanu duat,mi hausa fanu i nei thei hi ka lawmpui em em che a ni.Nang leh Kei hi In tawng tur a khuanu ruat kan ni,mahse a suih zawm tur erawh kan lo ni hauh lo a.khang kan in zui lai a hlimna tam tak min pek a vang khan ka lawm e

Vawiin i Piancham dam tak a i thleng hi ka lawmpui che a,Nupui leh Fate tan Pa tha tak lo ni zel la,Nang leh kei Min in tawn tirtu kan Pathian chuan malsawm mawlh che rawh se.