Share this topic on

THE MOON IS BEAUTIFUL

CHAPTER-1

PROLOGUE

Chu in ropui tak mai ah chuan chhungkaw rual ve tak, mize in ang lo tak tak te chuan zing chaw an ei mial miala. An chawi ei dawh-kan pawh  sei tak leh hrawl em em mai hi a ni a. An ceiling lam han thlir chhoh chuan thing hrawl pui pui, a in dung leh vâng zawnga chhun kalh tawn tuk mai hi a ni a. A chhuat lungrem mawi dangdai tak chungah chuan savawm leh sazuk vun inkarthlakin an phah chhuak vek bawk.



Pawn lam atanga en pawn in ropui leh lian tak ani tih a hriat theih a. In pawnlam pawh cement plaster a rawng hnawih satliah ang kha ani lo. Marble nalh em em mai a chei chhuah vek hi a ni a. An in kaltlang tur ringawt in km 3 dawn motor a tlan luh angai bawk. An chaw ei lai han en chuan chhungkaw pa ber chu hai rual ani lo. Kum 60 vel lai ani tawh na a, ala chak in ala tlangval hle, fit ruk dawn laia sang dar pharh hlai hlep hlawp, a ruangâm ringawt en chuan awm khauh namen lo, engmah tih hreh leh huphurh nei hmel pu lo hi a ni a. Pa inngaihtlawm hmel hliah hliah rilru zau tak pu mi anih tih a mitmeng ah a hriat hle bawk.



An in bawr velah te chuan thei huan zau tak a siam a, kut hnathawk mi tih takah an in bul chu ramhnuai pilril tak ang mai hian a chei bawl thei. Huan tam tak nei in ram zau tha tak tak a nei teuha, sawrkar hnathawk ai pawn kum khat ah a let tam tak in sum a hailut thei zawk. Kum khat chhung in a thlai leh thei rah thar chhuah atang ringawt pawn nuai 50 chu hmuchhuak ziah ang ani.



Fanu pathum leh fapa pakhat a nei a, a nupui erawh sawrkar hnathawk officer ani thung. A fapa chu a in nghah na lian tak leh a rin ber a ni a. An unau mizia in ang lo hlawm lutuk chu thubuai chinfel a ngai fo thin.



"Brenda, nizan ah i va lo haw tlai em em ve i zirlai ah chauh rilru pe rawh ka tihkha puitlin hi zir ve tur" ka nau chu chaw ei lai mah nise ka zilh lo thei lo, chaw ei lai leh mut lai bak inah awm ngai hek lo. Class banah piano a practice char char a chumi zawh ah tui hleuh a zir leh thin. Zan lamah erawh a letling thawk zu no dawm ve reng thei ani tih hi sawi zahthlak pawh ka ti hle.



"Um, ka lo haw hma ve tum ber asin mawle" thawveng tak chuan min chhang let vata. A sam a thlah hnuang a, sunglass a bun bawk.


"Zing chaw ei lai em em te hi chuan sunglass bun loh tur asin phelh rawh" ka tih chuan ka nu leh pa te pawh an rawn hawi phei nghal.


Kan in thut hlat deuh bawka, an rawn hmu fuh chiah lo ani ang, kei a hma lawka thu tan chuan hmuh hmaih chi rual ani lo.


"U, i hriat vek kha, tiang mizia hi alawm ka nih tun ang laiah fashion thar a chhuak zela, keini pawh kan danglam ve zel alawm" aw khur deuh chung chuan a chaw ei a hak bawrh bawrha. Rang tak in a thleng chu a thawhsan a.


"Ka puar tawh lutuk, ka insiam dawn ania"


Tiang tur kha chuan lo hau loh tawp tur hi ka nia, a ei puar leh hman tawp lo ang.


A chung ah thil dik lo a thleng tlat a hriat na ka nei ka rilru anuam thei hauh lo.


"Bawih-a vawiin chu sihphir lamah i han kal lawk ang hmiang, hnathawk te pawh en fel a, huan tlai te pawh en pui che ka duh a, balthla huan tur kan siam mek a. Chumi zawh chuan office te dawr angai dawn ania, inbiak rem na kan la nei thei chiah loa. Duh aiin min chhang hniam mah mah in ka hria"



Local Vegetable Supply Chain ah hian Horticulture Department, Commerce & Industries leh MIZOFED te an tangkawp a. Heng ho hian ka pa thlai thar hi ram chhung leh pawn ah an thawn chhuak nasa hle.



"Tinge an ni ho hi an duhâm tulh tulh mai le, ahma pawn kan hlep tur zat ve dawn kan chhiar tawh ani sia an mak ngawt mai" ka lungawi zan tawh lo tin ni.



"Mama, engtik nge i kal leh hun tur kha?" Ka nu chuan kan thusawi lai chu lo pawt chat in thudang daih arawn sawia.


"Karleh zirtawp a kal tur in flight ka book fel tawh a"


"Brenda-i hi chu ka hrethiam thei lo a nungchang te lah hi mi pawi ava sawi pawh ani lo mahse duh ai chuan a khawsa ho mah mah in ka hria party na ah akal reng a, lehkha a zir lai pawh ka hre ngai lo mahse tun 3nd semester ah khan ati tha ber arawn ni leh lawi sia, hauh vak ngaihna pawh ka hre lo nizan chu a rawn rui haw vak lo in ka hria, i nau hi lo ti ti pui nasa rawh aw hei aia tha zawk a nun hi chu aphu ve alawm" ka nu hi kan unau lakah rilru zau tak a put avang in ka zah thei hle thin.



"Ni e, ka hria alawm ka lo ti ti pui dawn nia"


"Hmmm hm....ani te zawng a khawlo emai engtik ah mah a tha chhuak chuang lo ang hauh pawh ka hau peih tawh lo, keipawn zin khawthawn ka duh tilai a tawm reng mai pawh ka ning office ah chawlh ka la a ka zin kual dawn" kan upa ber pawh hi ala naupang chhia hle, style megazine company ah director hna chelh in a awm meka, mahni in ring tawk tak fel in ti em em mai, mi te ngaih dan pawisa lem lo mi ani. Upa ber dawt tu ka ni a, mipa awm chhun ka ni bawk.




Ka nu chuan amah ang bawka sawrkar hnathawk tur in min duh a, ka pa chuan ka tui na lam apianga kal tur in zalen na min pe thung. Tet te atang ka pa nen huan enkawl reng reng a seilian ka nih avang in B.Sc Agri 4th semester chu Guwahati University ah ka zir ve mek a. Ka tui na ber anih avang in a ti tha pawl ka ni thin.




Ka zir chhuah hun chuan ka pa hnungzui a hei ai nasa lehzuala thei rah thar chhuah a Farm house lian tak neih belh zela, midang te hnena ka theihna tihlan chu ka tum ber ani.


Brenda-i room kawngkhar chu ka kik dat data.


"Tunge?" Chhung lam atang vin zet hian a rawn ti bak hlarha, ka u Janet-i tur ah min ngai ani chek ang chu.


"Keimah i u"

"E lo lut rawh"

A room chhung ka luh chuan sunglass bawk chu alo bun leh a.


"Tinge nileng in sunglass i bun dawn ami phelh vat teh thil dik lo a awm chiang ani tiraw?"


"Aih u engmah ani lo ka hmanhmawh class ka tlai ang" hlauh neih hmel tak hian hnuai lam a bih a.


"Khawi maw rawn kal teh ka lakah engmah zep nei suh, eng ang pawn sual mahla vawikhat pawh kut ka thlak ngai lo che, kha i bialpa Zomuanpuia khan kut a thlak leh tawh che em ni zawk?" Thinrim zet hian a bulah ka va kal hnaia.



"U ani chu engtin mah ti suh keima thiam loh vek zawk hi ania, engmah buaina tur a awm lo ania ih.....ih.....eng lo nizan ah khan kan rui dun lutuka thu ho te ah kan inhnial a chuan keipawn ka khawih let ve tho a thikthu chhiat lutuk vang zawk ania" inthiam loh hmel tak chuan min rawn ena.


"Naupang tak hi chu aw, tun atang a kut in inthlak ten engtin nge niang, mi tha tak chu ani lo chiang alawm, i theih chuan then la ka duh ka mi rin zawng ani lo ania"


"Ni lo a fel lutuk alawm, a kut arang tih mai loh chu"


"Chu chu mifel ah ka pawm thei lo"


"U i zir zawh hun ah thil tha deuh min lo lei aw"


"Thu pawimawh sawi lai hian thildang i sawi leh daih zel a, karleh mai khi ka kal hun a ni tawh a, lo in veng fimkhur ang che mipa tih chhiat mai mai theih a awm loh tur ania"


"Awle ka hria alawm" tih pah in sunglass chu a phelha, a mit bul duk chur mai ka hmuh chuan ka sa phat ka in hum ruh hle Zomuanpuia hmel ka mitthla ringawt pawn a hmaia hnek chawrh bak ka mitthla ah alang bik lo. Mahse ka in bengdai hram hram ka nau in a hmangaih ve miau si a.



LALVENHIMI Lalitha POV.



"Mama, khawnge chopper kha i lo hmu em?"


"Hmu lo kiki khan a pawm chhuak in ka hria"


"Tinge ka phal na la hmasa lo a, alo kaih chhuah ziaha atel lo chuan ka awm thei lo tih pawh i hriat vek kha, ka rawn haw chhung rei lo te hi chu ka bulah awm reng se ka duh asin"



"Ni e, chhuah a lo chak ve thin bawk sia a pangchang thiam bawk si, an rawn haw tep tawh ang, ui ringawt hi buaipui lo in i bialpa neih thu te pawh hriat kan chak tawh zawk asin mawle, i pa inbual na tur ka va siam angnge" a phun nuah nuah a.



Naktuk mai hi ka kal hun tur alo ni leh reng tawh kan in a hahdam taka han awm chu ka thlahlel ngawih ngawih chopper tel lo phei chuan ka nun hi engmah lo mai ani, abulah nileng a hun hman ka duh thin.


Ka nu hi Naga ni in ka pa hi mizo dik tak ani thung, ka hmel ah vai hmel lek lek pu mah ila, ka tawng lamah hi chuan engmah buaina ka nei lo, ka nu ang lo tak in ka pianpui ang mai in English leh mizo chu ka hmang kawp thei ve ve a. Ka nu erawh mizo tawng ala pai hle thung. Guwahati University ah B.Sc Agri 4th semester final year ka zir ve mek a. Ka nu hian bialpa te nei a hmangaih na han tem chhin vel chu a nawm thin zia te min hrilh tam ber ani thin.


Ka uite bak ngaihtuah ka nei lo kan college kal laia pakhat ka nei tih loh kha chu neih leh pawh ka ngaihtuah tawh ngai lo ka nei tawh chuan ka nghet bur thung.



Mahse duh ve deuh chu ka nei alawm ani chu milar tak kan University ah pawh SU leader ni pha nghat kha ania. Ani chuan min hriat pawh ka ring lo beisei pawh ka beisei pha lo. Sport lam pawh a thei viau, a thil tih tawh ah chuan a langsar ber zel.


A tuk ah chuan ka nau kiki leh ka uite chopper te nen motor seat hnung ah thu in airport ah kan chhungkua in kan kala.


"Chopper ka naute duh tak te fel deuh in lo awm la kiki thu hi lo awih hle ang che ka ngai dawn lutuk che" a hmuiah chuan ka fawp chiama.


"U, i lo haw leh hun chuan chopper hian nupui alo neih san tawh maithei che ani hahaha" fiamthu ti tak deuh chuan a nui hak haka.


"Ni lo e, ka lo haw hunah keiman ka neih khalh ngei ngei ang, ka kal a hun dawn tawh nu, pa in vaiin lo in enkawl tha ula tha tak in ka zir zo angnga ka lo haw leh vat ang, hlawh tam tawk ka nei angnga nuam sa tawk in ka awm tawh ang"


"Bawihte, i zirzawh chuan pasal i nei angnga fa tam tak i nei teuh dawn nia chumi zawh ah hna te chu ala tam dawn lutuk alawm" ka pa in nui vur vur chung chuan min rawn fiam leha.



"Nangni ho hi in mak e pasal neih tir min tum tlat a, min duh tawh lo ani chiang mai ka rawn haw tawh lo ang"



"Fanu hmeltha tak ka nei che a, nupui a neih che hi dil tu an tam tawh lutuka, nang lah chuan engmah i ngaihtuah duh bawk si loa chuvang chuan alawm kan tih i rawn haw tawh lo anih chuan chopper hi a lung a leng lutuk angnga a tar thi thei maiang" chopper chu kan thusawi hria ni awm tak hian alo bauh lauh lauha, uite tereuhte buk chhup mai thang thei lo duhawm zet ka nei hi chu ka atchilh ve chiang alawm.



Zinkawng thui vak lo ka zawh hnu chuan kan University rei tak ka lo tlankual na ka rilru hah changa ka tah hawm hawm na hmun chu ka thleng thla leh ta.



Fist period ah chuan kan thuzawi tlang hlawm hle mai, kawngka bul ah Ramdinsanga leh Rinzuala rawn inzui lut ka hmuh chuan ka lo phur hle, an lam hawi lo mah ila ka mit sir chuan a hmu reng ka pen ken chu ka khawng ri tlauh tlauha.



Dawh-kan ah ka kut lehlam in ka biang chu ka lo dâwm zarha. Ka lu chu ka lo dah sir deuh ani ang. Rd-a chuan min rawn nek bulawpa, ka biang ka dawm na chu a tawlh zawt a, dawh-kan ah ka khabe ka zu tauh fuh chiang lutuk.


"Anaaa a zauh tehreng nen" ka ti zawi sepa.

"Ouh.... sorry lutuk a na em?" Alam ka han hawi chho chu ka zâm chhe ngei mai, ka thu tha sawk sawka. Ka hnunga rawn vawn pah in.


"Ka lo kal sir deuh a min hrethiam dawn nia"


"Um.....nia, ka hria alawm a ho lutuk engmah a ni lo" nui ver ver chung chuan ka lo chhang let nghal.


"Rd, hetah lo kal vat teh"


A bialnu Lalrinkimi chuan in ti no nalh zet hian a rawn hui chho pap papa. Min rawn melh leh zeuh pah chuan arawn nui seih a, kan University a ka duh awmchhun lar em em mai, in min rawn nuih chu eng emaw ni ta riau a in hriat na te pawh ka nei rum rum.



A zing tho hlim pawh hmeltha reng tur ang chi, fit ruk leh inchi thum vel a sang mizo mipa zing ah chuan a sang pawl tak aniang, ruhrel leh ruangâm in phut nalh tak, mitmu dum tak riah mai a ni a. Lal ram ropui tak din tu ni awm taka hmel zahawm leh pa em em, mi te zing a langsar tur khawpa tha filawr lak ani.


"Lalvenhim ka ban i sik pilh vek dawn min thlah vat rawh" ka thiannu Zomuani chu ka lo sik char char tih reng ka hre lo.


"Engtik ah nge i duh thu hi i hrilh ve dawna? Ka lo sawisak dawn che mi?"


"A teuh lo mai, bialpa neih ka tum tawh lo. Bakah bialnu a nei a, lo va tihbuai chu ka tum lo hrim hrim"


"A bialnu ve saw a nasat hmel ropui si, ka ei thlawt lo" ka best friend ka roommate ni bawk chuan ner nawk hian alo va melha. Kan University ah hian mizo kal ve kan tam angreng a hnamdang chu a tam zawk ni mahse mizo awm chhun ho hi chu kan in hre pawh tlang vek, mahse kan inkawm vek bik lo keipawn Zomuani chiah ka kawm ang hian.



Class kan lak zawh hnu chuan lunch ei tur in canteen ah kan chawl a, Zomuani nen Assignment te kan sawi dun mai maia, kan zir zawh huna Msc leh PhD ka try leh tur thu te ka sawi mawlh mawlh lai chuan ka dawh-kan ah lemon juice hi arawn in hung chawrha. Kan phu dawt nghe nghe.



"Kha hei hi la rawh i ta tur anih hi i khabe na te pawh a ti zia awm mahna" Rd-a thianpa Rinzual-a chuan in tizei tak mai hian arawn dah a.

"Tu chu nge i tih a?"


"Nangmah lo khabe na an awm dawn ami?" Mi rawn tih chuan ka nuih te pawh a za lek lek.

"Ka khabe ana tih tunge hrilh che a?"


"Ka thianpa Rd-a khan asawi a chuan heihi va pe rawh min tia i hria angnga bialnu nei te ani bawk sia aman a pek che kha a mawi chiah lo a"


"Maw.....?" Mak ka ti lutuk chu ka hawi vual vuala, kan piah lawkah Rd-a leh a bialnu chu an lo thu dun reng tawh.


"Min hre reng reng ami?" Ka tih leh chuan a nui saka. Rinzual-a pawh hi a thianpa ang bawka chhelo leh sang em em mai pian nalh tak a ni a, mahse a mitmeng lerh hmel tak hian min hip thlawt lo.


"Hria e Lalvenhimi Lolitha naga nula hmeltha zet kha i ni lawm ni"


"Lalitha alawm, i hre thelh deuh anihkha" Zomuani chuan alo ti vata.


"Ni dawn tak e, chuan nangpawh ka hria che anih tui deuh in lo in rawh aw ka kal phawt mai nge" Bottle chu ka en renga.


"I la dawn lo ami tinge i en reng a?"


"Zomuan, heihi tinge min rawn peka engvang nge niang, Rd-a khan min rawn melh miah si lo, a bialnu thusawi a ngaithla char char ka hria ka hmu vek tinge hei min pek ka hrethiam thei lo"


"Awww.....a bialnu lerh zia a hria angnga midang a try ve duh tawh te pawh aniang Lalrinkimi ai chuan i tha fe zawk"


"Ani maw?"

"Um i la hre lo ami?"

"A lar ropui sia"

"A bialpa vang a lar mai chauh anih saw" engpawh chu nise ka tan chuan chu bottle chu a hlu lutuk tlat, hlim em em hian ka la vuta. In pawh ka phal lo ka bag ah ka dah tha nghal.



RAMDINSANGA'S POV.



"Hey, engnge i va tih a?"

"Engmah mawle, i tan hna ka thawk alawm"

"Eng hna maw?"

"Nakin ah ka hrilh ang che" a ti liam puata.

"Rinzual-a hi chu a lerh ve ngawt mai nula han chhai vel te lah hi a hnehsawh ropui sia" Rinkim-i chuan a phone khwwih pah chuah a lo ti vata. Phone ringawt a khawih avang in ka ngaihven teh chiam bik lo. Venhimi te thiannu chu ka va leh hawi seka. Min rawn nuih ni mai hian ka va hmu mahse ka ring ngam chiah si lo.


Zanah chuan Rinzual-a chuan ka lehkha zir lai chu min rawn be buai chhen a.


"Rinkimi, nen hian inneih te in tum hnai tawh em?"


"Tum hnaih pawh ka hre lo, bakah ani te chuan sawrkar hnathawk a duh ber alawm keichuan chutiang hna chu thawh ka tum lo bur keima business din a ram zau tak neih hi ka duh ber"


"Aman a hre tawh em?"

"Eng chu maw?"

"Sawrkar hna thawh i tum lo tih hi"


"Hre lo kan la sawi dun lo hrim hrim a, bakah mi hausa fapa ka nih pawh a hre lo hrim hrim a hriat ka duh bawk lo"


"I hausak vang a duh ah che i ngaih i hlau tih na ani maw?"

"Ni mai e, sum hian hlim na tluan tling min thlen si lo alawm"

"Vawiin chungchang kha sawipui che ka duh a?"

"Eng chungchang ah maw?"

"Venhimi kha i duh ve tiraw?"

"I ngaihtuah na leng vak vel mai mai anih chu, khawi lam thli chhia in nge rawn chhem che a?"

"Lemon juice ka pe a, nangma pek ang in ka sawi ania" rang lutuk in ka melh chho nghal.



"Engtin nge chutiang i tih theih zawk, keimah atang hma lak i tum tih chu min hrilh hlek suh ang che. Rinkim-i'n a hriat vaih chuan kan inkar a buai phah vek thei asin" hepa han nghal zia hi chu aw a lerh ang hian mi zawng zawng hi lerh ve se ati ni mai hian ka hria.


"Hre lo ang, a ho emai mipa te chuan pakhat chiah neih tur ani lo atha ber kan thlan chhuah thiam te pawh a ngai ve alawm. Ka duh zawng ani lo, mahse i duh zawng ani tih ka hria alawm amah i melh dan ah hian ka hrethiam vek"


"Chutiang a ka lo melh pawh keichuan ka hre love, ani te chu hmeichhe fel tak ania abak engmah a awm lo" chik lehzual a min rawn en reng ka hmuh chuan ka lehkhabu chu ka khup thaka.



"Lerh ah pawh chin tawk neih tur pakhat ah i lungawi zo lo anih chuan mihring ni tlak lo i ni mai, ka makpa atan phei chuan ka duh miah lo che ania"

"Hahaha, i nau Brenda-i kha ka la neih sak maithei che ania" ala rawn ti deuh deuh.


"I sawi lai kha a hnaih lai ber aniang lehkha ka zir dawn min rawn tibuai tawh suh"


Ni e, ka bialnu Rinkim-i nen hian kum 2 lai kan in zui ve tawh abulah hian ka hlim chiah em tih chu ka hre bik lo, a tel lo a ka awm theih na hi a tam zawk ani tlat engvang a la in kawp ve char char nge kan nih pawh ka hre lo. A tir atang khan engkim hi a fel thlap maia, a hlim chuan ka hlim ani mai. Hmeichhe inchei duh ve tak engtik lai pawha lipstick inhnawih reng pian tilang nalh tur a thawmhnaw fit thlap mai ha reng thin mi ani.



Mahse Venhimi chu a letling thawk hmeichhe simple ve tak ngaihsam hmel tak mai hi a ni reuha. A chanchin chu hrechiang lo mah ila pawnlama ka hmuh theih chin ah mit ti kham tur in ala awm ngai lo. Engvang in nge lehkha zir lo a Venhimi zawk chu ka ngaihtuah chiam mai le. Vawiin a thil thleng vang te pawh kha ani mahna.



Ka phone ri chuan min ti harh zawka, tun ang zan rei tawh lamah tu chu nge ni ang aw. Ka nau anih hi eng tak sawi leh ang maw!


"Ka u ka u duh tak ka ngai lutuk che....."

"Brenda tinge tun ang zanrei tawh ah te min rawn call a? In ah i haw tawh em?"

"Aw haw tawh....ni lo ka haw dawn chiah"

"Ka nu in a ngaihtuah thei lutuk che tih i hriat vek kha haw vat rawh"

"U hmangaih i nei ve tawh thin em?" Chu zawhna chuan min ti mangang khawp mai.

"Tinge hmangaih na te i sawi tak mai Zomuana nen khan in inthen ami?"


"A nu in then tur in min ti char char a, ka hmai duk chhan kha min zawt nasa lutuk a dawt ka sawi thei bawk si lo"

"In inhau reng bawk sia i tan chuan mi tha tak ani lo alawm"

"Hmangaih te lakah chuan engpawh kan huam asin, zu ka duh lutuk vang a hetiang thil hi thleng ania lawm, bakah mipa tam tak in min zar buai reng a, achang chuan lo biak ve mai mai te hi awl tak asin, chutiang chuan i awm tawh ngai em?"


"Awm ngai lo ngaihzawng nei reng chung a midang lo va biak te chu thil tha ani hleinem nangpawh hi i thiam bik hauh lo i in siam that angai ve alawm"


"Um, nia i sawi dik chiah i rawn haw leh hun ah nula chhelo tawk rawn hruai haw la, min in hmelhriat tir ang che i bialnu neih te chu ka hre ve vek ania, ig ah in thlalak a post nasa thei teh mai ania aw ka stalk vek tawh" seh chilh nuaih chuan a tawng a.


"In i thleng tawh em?"

"Um, kan inkawt ah ka thu mai mai, ka pa in grape rah alo a ka va pui ve lawk angnge"

"Maw.....zan zan ah tinge a lawh a?"


"Ka hre la ......Pa chauh lo chuan an hre lo, anih phawt ka ngai lutuk che a ka rawn be mai mai che bye......A pa i fanu ka lo kal ......." Thawveng em em a phone dah si lo a, ka pa a biak chu ka hre pha vek. Achang hi chuan thinrim in ngaihtuah viau thin mah ila a thawveng lutuk hi a huat tak tak theih loh.



Kan unau hmeichhia ah chuan a hmeltha ber leh mite tha tih chi ngaihno bei châk mai, vun no nalh tak, samrawng thlak zing em em leh thawmhnaw lei uar ve tak a ni a, sum lamah buai na nei lo mah ila mi hausa tak leh chapo tak ang a lan hi ka duh lo bur ka nu leh pa te thawhrim zar a hetia awm thei hi kan ni tih ka theihnghilh ngai lo.



(A thawnthu tlangpui rosum in chuh na avang in tualthah na hial a thleng a, mi pahnih in hmangaih tak te karah khi nasa tak in alo awm chho nghal bawk, hun rei tak inhmu theih loh avang a, a bialpa nen in tha then ta chu rawn kir leh in chu mi pathum te in hmangaih na chu arawn alh chho mup mup a, tu zawk nge hmangaih chan dawn tih chu in lo ngaichang vek dawn nia)