THE MOON IS BEAUTIFUL
CHAPTER-2


RAMDINSANGA POV.



"Rinzual, thil ei chhuak ila ka ril atam riau mai"


"Ka hman loh hi lo zu ei mai rawh"


Games khelh bak a ngaihtuah lo, chhim leh hmar hawi zawng in a tang mar pat reng ringawt.


Restaurants ah thil ka ei zawh hnu chuan pawn ah ka ding ren rawna, ka bul lawkah Venhimi thiannu in phone alo hmang ve mek bawk a.


A hmanhmawh hmel in a chiai hmel hle lehnghal.


"E hei Rd lo kal lawk teh i hman em? Khawnge i kal dawn?"


"Khawiah mah hostel ah ka let leh tawh dawn thil ka ei lawka"


"Anih chuan khawngaih tak in heihi Venhimi lo pe mai teh room 131 na ania, thil hmanhmawh thlak lutuk a awm a, a dam lo bawk sia ei tur ka leisak a" ka hma ah chuan a rawn khai kang a, ka chhan leh hma ngawt in min rawn pe nghal hmanhmawh deuh in taxi ah a chuang nghal.


Tih tur ber pawh ka hre lo, ka hawi vual vuala, pek loh ngawt chu a chi bawk si loh, a thiannu dam loh lai leh nghal in engtin nge a kalsan theih zawk ka bike chu ka ti nung vut vuta, ei tur lah chu ken a rem lo em em lehnghal a buak ahlauh awm bawk si.


Room ka han thleng chho chu kawngka alo in lock loh avang in ka lut ve maia, parda a inzar phui vek vang in a chhung chu a thim hle.


Khumah chuan chauh hmel zet in Venhimi chu alo muhil a, ngawi reng a dah a kal leh mai ka tum lai chuan arawn tawng vai riai riaia.


Han kalsan leh nghal mai chu ni thei in ka hre si lo. A chal vel ka va khawih chuan alo sa hle mai, a hmui te chu a rep in a dang bel a.


Ka theih ang tawk chuan ka buaipui ve nghal, a mah a harh chian loh avang in hanky chu ka ti huha ka dep char char bawk.


"Ka duh lo khawngaih in min kalsan suh ni lo i kal thei lo ang" ka kut chu arawn vuan thuta, a ngaihna ka hre lo takzet. Tih harh tum in dim te in ka sawi a.


Tu chu nge maw a biak le, a meng miah bawk si lo, tui in tur lak tuma ka thawh dawn lai tak in ka banah min rawn vuana.


"Kana....kal suh min kalsan tawh suh" a tawng ri chu ka hrethei chang chang chauh.


Tu tak ni ang maw? "Venhim harh teh i harh em?" Chutia ka tawng ri a hriat takah chuan a rawn meng diar diara. Min hmu chiang tawh ani ang, a tawlh sawn dawrha. Min huat hmel zet hian mi rawn melh rum tha ngang mai.


"Um......engtin mah ka ti lo che ania hei hi......i thiannu Zomuani khan va pe rawh kal na tur dang ka nei sia atia, i tha em?" A biang a thlanfim lo luang chu a hru hul sawk sawka.


"Ka lawm lutuk e, ti khan lo dah tawp mai rawh nakin ah ka lo ei maiang"


"Anih ka kal phawt mai nge" a mimeng dur khuih dang bel ka hmuh chuan ka khawngaih tlat han kalsan nghal mai chu tiin pawn ah ka ding vang vanga. K lut leh angem nge ka kal dawn ka rilru a buai nuaih mai, engpawh nise ka va en leh hrim hrim teh ang.




Dawh-kan bulah ding ngil tha hleithei lo hian alo in vuan khur hlawk hlawka. A hnuai lam atang thisen lo far ka hmuh chuan ka ngaih a tha lo takzet.


"Venhim tinge i tha maw engtin nge i awm a?"


"Ni lo min rawn hnaih hlek suh min kalsan rawh chhuak vat rawh" vin lutuk tak mai hian min rawn an khum chiama. Ka phu zawk nghe nghe.


"Puih che ka tum mai ania, ka ti na dawn hleinem che"


"Puih ka ngai lo ang, i thil hmuh hi tu bulah mah sawi chhuak suh ang che i hria maw?"


"Nga ti maw?"


"Khawngaih in zawhna min zawt tawh suh"


"Awle ni e, i thu vek alawm i tha chiah maw?" A tawp nan ka va ti leh hrama.


"Aw tha e, ka tha lutuk min ngaihtuah ka ngai lo ang" chhuatah chuan a tlu bawk thlawpa, damdawiin ah hruai mai ka duh tawh a tukhum ah chuan ka dawm kanga.


"Hetiang chuan i tha lo tawp mai damdawiin ah ka hruai ang che"



"Ni lo ka duh lo khawngaih in ti suh" a ti dul raiha.


"Bathroom ah min hruai thei angem?" Ka rilru abuai takzet a chung ah engnge thleng engmah hriat ka nei bawk si lo. Bathroom lamah chuan ka kuah phei a.


Chhuahsan mai tur a min tih leh chuan kal ka hreh leh tlat tawh engvang in nge anih hi ka ngaihven em em mai le, engtin nge niang hetiang khawpa damlo ni si damdawiin kal a hreh tlat ni.


"Damdawiin lam chu pan mai ila a tha ang" ka tih chuan ka duh lo ti ni awm tak hian a lu a thing ner nera kawngka a khar nghal hmak.


A duh lo chung chu hruai luih ka tum ta bik lo, khum ah chuan ka nghak renga. Darkar chanve dawn a awm tawh tukverh lam ka hawi thla Zomuani alo thleng thei bawk si lo.


Kawngka chu ka va chum ri dawt dawta. "Ven-i, Ven-i....." Vawi li vel ka koh hnu chuan bathroom chu a rawn hawng thuta.


"Kal tawh ta che tinge ila awm reng a?" Dam tha pangngai ang mai hian min rawn bia anih chu! Mak ka ti in ka hrilh hai ngei mai. Nichin kha chuan a nat hmel hle si a.


Ka tlawm ngai ta deuh engmah sawi tawh lo chuan lungawi lo tak chung in room chu ka chhuah san nghal vang vanga.


Ka room ka thlen chuan a rim a dang hat, ka u alo kal ani ngei ang, a rim atang ka hrethei. Ka khum bulah te chuan pangpar buk khat tlat hi alo in hung a, Rinzual-a chu in thlahrun hmel zet hian kil khatah alo thu bawk. A piah lawkah ka u alo ding renga.


"U tinge hetah i lo kala?"


"Ka zin kual pah in ka lo tlawh ve hrim hrim che, tinge single room i luah loha, in room te hi duh aiin a te mah mah anih hi, ka assistant nen hian i thawmhnaw tur te kan lo lei a, in room rawng hi ka duh lo a thim lutuk naktuk ah hnawih tha vek ang che u" high heels nen handbag nen arawn in kam nasa mai, kan University ah hian vawikhat mah ala rawn kal ngai lo tun hi a rawn kal vawikhat na a ni a.



"Ka zawh na che chu min la chhang lo ania" ka bag chu khumah ka theh thla thuaia, ka u nen hian kan in mil vak lo tumah mil a nei ngai lo bawk.


"I u ka nia engtik hunah pawh ka rawn kal chu a thiang ani lawm ni, ka sawi daih tawh kha. USA ah khan lo zu zir la i tan a tha zawk tur hi ania, heti lai thing deuha zir ai te chuan i changkang zawk hrim hirm ang" Rinzual-a chu a va melh hrawka.


"Keichu....ka.....ka lo va chhuak mai a nge anih phawt u" tih pahin rang lutuk in a tlan chhuak nghal.


Couch ah chuan in ti thu tak hian a thu leh te te a, min rawn en vang vanga.



"Engtik nge i haw dawna?" Khum ah chuan zangthal zawng in ka mu dar dar a.



"Ka hre lo naktuk hian haw ka tum deuha mahse ka la chiang lo" A tho hluaia, kawngkhar chu a nam hawng sawka.


"Anih phawt tha deuh khan zir ang che in room zin te a awm reng ka thaw a pik zo dawn" kawngka bul thleng ka thlaha, lo kal leh tur pawn ka duh lo mipa awm zawng zawng chuan an lo thlir thap a, ka bialnu emaw an la ti vek zui.



Ka phone arawn rik chuan Rinkimi'n min rawn ânkhum chiam ringawt. Bialnu dang ka nei emaw a ti ani ngei ang, heta ka u lo kal pawh chu a lo va hre hman vek anih dawn hi.


"Rinkim zanin ah ka lo kal ang ka hrilhfiah vek ang che ka u alawm"


"Aih ka awih tawh lo hmeichhe tam tak in an bawr luai luai che a chutiang karah kei hian k rin che i ring ami?"


"Ni lo ka u tak tak alawm Rinzual-a pawh zawt la"


"Anih zanah lo kal ang che"


Chumi zan zankhua chuan a bulah hun ka hmang a, rei fe kan in thlem hnu ah a lungawi thei hram,vmahse ka u a hmu hman lo hlauh chu a tihzia hlauh. Hla ngaithla pah in beer kan in dun a, ka cigarette zuk lai chu rawn la in k hmaiah tak arawn pak khu hlat hlat a. Hetiang a chet alak tawh hi chuan ka hrethiam nghal mai.



"Bawih, zanin chu kekawrte pawh ka ha miah lo ania, ka room mate lah a riak chhuak daih bawk si" ka hma zawn ah tak a mal no nalh em em mai chu a rawn hlim chho a, dik tak chuan mipa mah ni ila vawikhat pawh ka la mutpui ngai lo it awm tak tak a ka hma ah, a han in theh kual vel hi chuan ka insum zo lo lek lek thin.


"Rd min hmangaih em?" Ka beng bulah a rawn ti sepa, ka taksa arawn zut pah chuan ka hmui ah duh thawh tak in min fawpa, ka awm mai mai thei bik lo.


"Hmangaih e, ka hmangaih lutuk che" a biang ah dim te a fawp in a sam chu ka zut heuh heuha, ahnu te bawr khauh tha tak chu tham in ka fawp kual vel a. Chutih lai a, a nuam ti hmel leh nui har har ri te chuan min ti phur ngei mai.



Zanin zet chu ka insum zo ta bik lo. Anih nih in ni teh se khum lai zawlah chuan duh tawk in ka han ching let a, a hmeichhia zawk in a duh mah chuan tu mipa in nge hnar phal bik ang ani ang hmeichhe hmeltha leh duhawm te chu, bakah nupui a neih ka lo rilru ve deuh lai ani bawka, ka pawi ti lo hrim hrim.


A hnuilam engmah ha lo ani bawka, ka T-Shirt var lian ve tak ahma zan a kan awmdun laia ka hnutchhiah tak chu arawn ha chhuak a, ka kut chuan hnuilam chu a han chul nal te te phawt a, chik ngheih ngheih chung chuan ka tukhum ah min rawn pawt hnai sawka, tisa chak na a khat a mitmeng chhing diar diar rum hlat hlat chu ka en renga.


A chak na sosang tawh lutuk han hmuh chu a nuam ngei mai, a hmui ah chuan fawp in khum ah ka mut zal tir te te phawta.


"Rd, khawngaih in ka duh chu min tihsak tawh mai teh" tap aw deuh chuan a rawn ti a. Keichuan ka la duh tawk mai lo.


Fridge a vur tlang chu la in a dul ah chuan ka chul thla dan dan a, hmai zangthla harh a, van vadak in a sam te chu a tham nawk nawka, chu vur tlang a pum chung a awm chu ka lei chuan ka han hrut kual a. Hei ngei hi alo duh leh thlakhlelh em em thin ani lawm ni, mipa lo riau a min hriat thin na te chu alak ah hian tih puitlin vek ka tum tawh ka chance neih hi ka bawhpelh thiang tawh lo.



LALVENHIM-I POV.



Eng tin nge ka tih tak ang ka zak ngawih ngawih ka thi thei mai dawn in ka hria Zomuansangi chu rawn haw teh seh a chak lo khawp ang, mahni lo maha ka period ka lak nat theih tehreng nen a hre ve vek sia.


Ka zak bawk si tih ngaihna hre lo chu khum ah ka tal chiam chiam ringawt.


Kawngka rawn in hawng ri ka hriat rual chuan ka meng alh chho nasa mai.


"Zomuansang tinge a min kalsan daih....." Ka sawi zo hman lo Kana ngei mai chu ka hma ah lo ding in min rawn nuih seih a.


Ka thi thei hial in ka hria, ka rilru ah zawhna tam tak arawn lut zut zut a. Ka mittui ka dang zo lo ani ber ka bialpa hmasa ber ka hna avang a Nagaland a kan pem hnu a, kan inbiak zui theih tak loh kan awm hran tak kha tun ah chuan ka hmu thei ta.


"I lo dam tha maw?" Engmah sawi lo in ka va kuah chawta.


"Ka ngai lutuk che, engtin nge i lo kal theih zawk?" Kan hma lawka hmeichhe pakhat inkhai thli thlerh thlawrh sanglam deuh en mai pawn keini ai chuan a upa ang tih tur sam tawi hmuk, hmai hlai ve lampang hi arawn ding a.


"Hei ka nupui hual ania" arawn tih chuan ka nghilh dup thei rei tak ka hmu tawh lo a tun ah a nupui hual nen ka hma ah an rawn lang amaw?


Zomuani chu ka va en nghal vat, in thlahrun hmel zet hian min hnuailam a lo biha, ani hi engkim min hriat pui tu naupan tet atanga ka kawm anih avang in engkim ah ka ring ka unau nu ang mai in ka en, vawiin ah zak tak a min siam hnu in rilru na tak in min la siam leh ania, a tum reng vang nge thil thleng palh zawk.


"E anih chu ava lawmawm ve ka....lawm lutuk hehehe......" Za lo zet chuan ka nui thei hram. Ka nuam sam lo sa bawk nen ka lu a hai chhawlh, ka ke pen pawh a muang raih engkim hi a harsa ani vel vek.


"Hetah engnge in lo tih dawna?"


"Lawm-i hi in University nei tu fanu ania, tah hian apa hna rawn puih lawk kan tum a kan in hmu fo thei dawn anih hi" kana chuan a nupui hual chu a veng thawng tih hriat tak hian a melh zuk zuka.



"Thian inkawm ngaih tak in lo nih dawn hi, i chanchin min hrilh nasa thei lutuk alawm college te pawh in lo kal ho thin tawh tiraw?" Lawm-i a nupui hual chuan nui sang hian mi lo ti a.



"Thian maw?" Ka ti zawi sep ka rin loh deuh in a thian ah ka lo tang reng zawk tihna em ni?



"Ka be lawk thei che angem a fal in bawihte, min lo hrethiam mai ka lo let leh vat ang min lo va kalsan mai rawh"


"Bawihte aaaa?" Ka na ka na ngawih ngawih.

Kana hi ka fist love ka nun min thlak danglam tu ani,rei tak a mah hmuh leh in beisei in bialpa dang pawh ka nei lo a ni a, a hming tak chu Lalduhsaka zaithiam em avanga hming lem an phuahsak kana tiha an koh hlen tak kha a ni a.


A nupui hual chuan min ringhlel hmel pawh a pu chuang lo thu awih tak chuan a kalsan ve maia.

Couch ah chuan ka thu hnawk sawi tan dan tur pawh ka hre lo.


"Ven-i, i lo hmeltha sawt hle mai ka hmuh leh che pawh ka in ring tawh lo a"


"Tinge kha tia kan pem hnu khan tinge ka biak tlang theih miah loh che khawi ah nge i awm a, engnge i tih hriat chak in nitin hun ka hmang asin, tinge min rawn phone miah loh?" Ka lu ka dawm ngat ngat ringawt ka muttui chu dan ka tum ruh hle lehlam hawi pah in ka in hru sawka.


"Kha tih lai khan i thian chauh maw ka lo nih" a hmel ka hmuh ringawt pawn ka awih thei lo zawk hmeltha tak tih tur chu ani lo mahse mize duhawm tak fiamthu duh bawk si, aw dam thlap mai anih avang in ka atchilh theih hle thin.


"Hrethiam teh ka nupui hual ania, engtin nge ka sawi chuan ang keipawn hmuh leh che ka in ring bik lo, tunah chuan kum a kal tam tawh lutuk, ahma ang kha ani thei tawh lo alawm"


"Mahse........kana ......ka lo nghak reng che asin" ka insum zo tawh lo ahma ah chuan ka tap hawm hawma.

"Min duat ang khan tuman min la duat ngai lo asin, ka pheikhawk te kha inah min hawn saka min suk sak thlapa, ka bag nise nitin min khai saka, ka shampoo hman tur thleng in min leisak a engkim ka tan i tih thin kha tinge engtin nge min theihnghilh theih zawk" a awm ah chum in ka nem ngat ngata.


"Vente, min ngaidam rawh ka thiam loh vek ani, kha tih lai khan kan rethei lutuk a ka pa kha mi in an buma a dawr leh kan in neih ve chhun thleng in kan hralh a tichuan college kan zawh hnu khan hnathawk in chhungkua ka chawm a, engtin nge kei teh lul hian ka rawn zawn chhuah ang che, ka pa rilru na chu zu a in nitin a. Khatiang zawng zawng kha ka ko ah a in nghat vek asin" tih pah in min rawn kuah a, tun hma a ka sam a chul ang tho khan duat tak in min rawn chul leh a.



"Anih tunah engtin nge tihian nuam sa tak in i khawsak theih zawk?"


"Hna tam tak ka dil a ka hmuh theih tak si loh ah chuan beidawng em em in kan in lam ka pana, tah chuan Lawm-i hian kawng a kal chu min rawn ko a, an Hotel thar tur ah manager atan min duh thu a sawia, ta tang chuan nitin kan inhmu a kan....."



"A tawk sawi tawh suh ka ngaithla duh tawh lo, nupui nei mai tur i ni a, keichu bialpa tak ngial pawh ka la nei leh lo. Rosum vang mai mai a hetia in chhar hi in lo nih dawn chu min kalsan vat zawk rawh" ka rilru chhe tak chu rawn lang chhuak in ka in hru hul sawk sawka, kawngka hawn pah chuan.


"I dinhmun chu engpawh lo ni se keimah nen in kungkaih na aneih ka hre lo, i kal thei tawh ang" muang chang in ka hma ah a rawn dinga, a mitmeng ah chuan min la thlahlel ve hle tih ka chiang.


"Vente, min huat phah lo hram rawh ka la hmangaih reng che ania"


"I nupui hual in hre ta se engtin nge a tih ang che?" Rum zet hian ka ti hmuka, melh pawh ka melh eih lo.


"Vente, khatiang thu sawi kha chu i inhmeh ve lo ania, duhawm tak tawngkam vin pawh ka lak ah i hmang ngai si lo a" ka ngawi renga engmah sawi ka duh tawh lo ka tlanfim rawn chhuak in ka bek ah arawn far fepa, chu chu lo hmu in a kut chuan arawn hru a. Chu veleh ka hawisawn nghal.


Kha tia min khawi zeuh pawh khan ka taksa a fanchhuak vek thei, vawikhat tal min khawih leh kha ka duh thusam ni mahse ka ngam tawh lo nakin lawk ah nupui a nei mai dawna, ani nen an mudun tur ka ngaihtuah ringawt pawn ka kawchhung hi a sa chhuak vek in ka hria.


"In enkawl tha ang che aw zan ah mengrei lo la, anih phawt" hreh tak chung chuan kawngka ka khar khum hmak. Ka din na ngaiah ka la ding reng kan in ngaihzawn lai ai khan a hmel a tha daih tawh zawk bawk si. A sam a ti phir chho vah te kha ka hmuh vawikhat na kha tiang khan tih a duh ngai miah lo kha nia, a in hmeh takzet.


Khum ah chuan ka thu hnawka, ka khum hnuaia kan pahnih thlalak hlui ve tawh tak chu phawrh chhuak in ka en vang vanga, mi â ang maiin ka tap chhuak leh ta, ka first love ani asin.


Room ah chuan Zomuani chu lo lut in min rawn hnem mawlh mawlha.


"In dinhmun kha a buaithlak ve em ani, keipawh ni ila tiang tho khan ka awm ka ring kum 4 lai a liam ve tawha ngaihzawng neih loh tawp chu a har ve alawm"


"Keihian ka nei miah lo a, engtin nge chutiang te i sawi theih zawk"


"Aaa...dik tak chuan in hnem lam hi ka thiam zawng ani vak lo a, ti teh tal tawh suh keimah vang vek ani ka lo be kher kher a, room ah lo luh pui loh tawp tur kha ka nia sin"


"A pawilo Zomuan, nang chu i thiam loh engmah a awm lo ania, vawiin khan ka tai ana lutuka tinge Rd-a kha hetah i lo kal tir a min ti zak lutuk"


"Rd-a nen khan in ngaizawng ula ka duh vang in remchang ka lo la ve tawp a min huat phah em lo ang chu tiraw?"


"Aih chutiang lam chu ka ngaihtuah lo, mahse Rd nen chuan inzawm na engmah kan nei thei lo ang, bialnu anei tih pawh i hre veka kei te chu min duh teuh lo"


"Tunah Kana kha hetah a lo awm leh phei chuan ngaihzawng i neih ve vat angai zawk asin Rinzual-a nen kan in hmu zo chiaha, ani pawn a duh che aring ve tho alawm"


"Ka phen ah hian a ruk in eng thil tha lo nge i lo tih le, ka ring ve em em che a" ka mittui chu ka hru hul sawk sawka, kan pahnih thlalak chu ka khum hnuai ah dah tha in ka mu zawi hnuanga.


"Tunah chuan chopper chiah ka mamawh ka lung ngaihna zawng zawng abulah chuan a bo vek theih ka ring"

"Chopper hi chu i duh ve ngawt mai, lungngai suh ka awm hi"


"Tun ah chuan ka mamawh ber che em tih pawh ka hrethiam lo ve, ka chhe vek in ka hria"


"Naktuk Sunday ania kan lengchhuak mai mai dawn nia, in ti harh teh lungngai a kun reng tur i nih loh kha kan hma lawkah exam tur te a awma i tih that hle angai dawn ania"


RINZUAL-A POV.


"Huizzz vawiin chu i va hlim ve a, i nui deuh reng maia" nizan ah arawn haw lo tih ka chiang lutuk tlat.


"Ka hlim a maw? Chutiang a ka awm pawh ka hre lo ve"


"Nizan ah khan eng emaw chu in ti a ni chiang mai"


"I hre dik ang" a khabe dawm pah chuan a nui deuh hak haka, dik tak chuan Rinkim-i hi ka hmuh tirh phat atang ka ngaizawng nghal em em a, hmeichhe lamah harh vang viau mah ila ani ang em em a duh hi ka nei ngai lo. Engtin nge ka neih theih ang tih chu nitin ka ngaihtuah renga.



Mahse ka thianpa bialnu anih avang in ka la ngawi hram hram alak ah chuan langsar lo bik riau a in hriat na ka neih phah hial, keiai in a luck zawk zel lehnghal ka thianpa mah nise a chang hi chuan ka thik thin alawm


Mahse thil pakhat tha deuh ka ngaihtuah chhuak chu chu Venhim-i nen in ngaizawng se Rinkim-i nen an inkar hi tawp se kei a thianpa pawh hi min huat loh phah zawk ang chutiang tur chuan amah hi hmalak tir hmasaka, a thiam lo zawk a tan tir chu ka tum ruh hle.


Min chhan dan chuan ka lung a ti awi lo takzet an mu dun ani ngei ang, pawn lamah chuan nui mah ila ka thinlung tak in ka nuih pui thei tlat lo.


"Kan khawsa dun nasa bawka, ka chhun zo tawh che anih hi"


"Maw, keihi eng ang in nge min ngaih a. Lerh viau mah ila hmeichhe nazawng hi ka mut pui mai mai ngai lo ania"


"Ka inhriat chian tluk in ka hrechiang che hmeichhia engzat chiah nge i mut pui tawha?" Mai mai chuan Rinkimi nen an mu dun chiang lutuk ka in hum ruh kher mai.


"Haha.....van a arsi zat pawh hian a daih seng lo ang, ka chhuak lawk dawn ania kan room ah chuan lo mudun hlek suh ang che u" tih pah in ka bike chahbi ka pawt thla hlawka, ka kal na tur pawh hre lo chuan ka hma lamah ka tlang tlang char chara.