IT'S ME 4

Spi Hauzel✍🏻
Hringnun Puanna

"Tikhan lo mu hahdam la, inah ka va phei lawk ang, ka lo let leh vat ang!"
Chhang lem lo chuan ka lu ka bu ringawt, ka lo chhing sek ka ke bawkin min tur leh ut ut, Jeje engtik laiin nge a lo kal ka hre lo, "Hey nang hi khapa nen khan in inngaizawng tih sawi miah suh" teh ngawt chuan, kan inngai zawng ti pawh ni ila, tuman an awih nang, 'i duh duh hi min puh ngawt thin teh suh, a mak em mai ka ke a na lutuk,' ka tih zawm zata, ka pang a rawn khawih i khua a sik a nih hi, "Hey doctor in awm em? A khuasik a nia," tih pah chuan a tho vuta, Benji chu a rawn lut a hnungah Jeje chuan a rawn zui lut chat bawk.
Ka pang a rawn dek chu hriau bawk maw.. huiss Je je lah chuan min tahpui lo chauh, kan Doctora lah chuan, "lo va chhuak teh" a tihmuk ani lah mi vannei ber te zinga chhiar tel chi a ni hial ang tih tur khawpa hmui themthiam ni hek!
No lo lutuk tak mai a melh rawm râwm pah chuan, "Nang kha chhuak zawk teh, mahni pawh in enkawl zo lo khan midang ka enkawl e i ti vela, tiang Doctor Addict kan nei hi kan va vanduai em.." a sawi zo chu phawk fê in ka en dun ngawt ngawt, engmaw Jerry mak tilutuka ka hawi chu, Benji Benjamin Biakthansanga, chu a inher vuta a chhuak nal nal..
Je je tupawh nise Addict a ni emaw zu ngawlvei a ni emaw sawisel theihna kan nei lo asin.. ngaihdam i dil dawn nge dawn lo? ka aw a chang mah mah, Jeje pawh ngawi rengin  a chhuak daih..
Ka tho chhuak tham tham, ka ke na pawh ka ngaihtuah thei lo, engtin nge aawm ang?
Tinge ka ngaihtuah zui em em le..?
Ka chhuak phei ka hmu mai lo, step lo awmah chuan, ka pen chhat chhat, ka ke lah chu a na lutuk, step-ah ka thu hnawk, a vawt lutuk mah mah tundinhmunah chuan, ka ngaihtuahna a vâk vêl ruai tih ka hria, mahse, ka ngaihtuah ber erawh ka hre lo.
"Khatah khan riah i tum a mi?" ka phu nasa lutuk, ka harh kawk.
"Ka zawng che a, ka tina lo vang che, lo kal rawh i khua sik a nih kha," min pawm nawlh ka lungphu a dik lo, ni e, ngaihzwng chu ka nei tawh bumna avanga khan ka then kha a nia, ka bialpa nen khan kum thum chhung kan inzui, ka hmangaih em ka hre lo, kan inzui chhung khan, tiang hian ka la awm lo, hepa hi ka bula aawm apiang in, ka dik lo ziah tih ka hria..
Khumah zawi muangin min muttir, "Muhil rawh" teh tawp zela, i duh leh nangmah kha muhil la ti nia, a nui suk, a va hmeltha chiang tak.

Damdawiin pawh nithum zênzáwn ka awm tawh, ka thian tha tak ni a ka lo ngaih, Jeje pawh a rawn kal miah lo, ka Nutei ka Patea pawh tumah an lo kal lo, kan boss erawh lo kal lo mahse, min rawn phone in, ka hna lamah chuan rilru tihah lo turin leh, a tul ang ang min buaipui a tum thu a sawi, ka hnial pawh in, a pawn lo bur, an nu pawh a rawn kal zeuh zeuh, ka inthlahrung, Benji lah haw a tum lo a maw ni, min awmpui tawp, a thawmhnaw engtik laiin nge a lak ka hre lo, nitin a thar sar reng mai!
Hmeltha hluak a ni lo va, mahse, hmelchhia ti-a sawi tur a ni lo, amah a invawng hle tih ka hrethei mahse, a mit erawh a sen râm thung thin, chhiar thiam si loh hian, eng emaw vêi nei deuh ang mai hian aawm thin a chang chuan.. ka hmuh lai erawh chuan, ning hmel emaw thinrim hmel a lang ngai lo, tunge a nih hrechiang lo mah ila, ka tan chuan ani tluka hlû an awm tlat lo.
Tlai darthum pelh hretah ka hriattawh hnu, pa Upa lam leh nu Upa lam tawh tak, tar tih tur la ni miah si lo hi an lo kal a, ka bul an lo thlen chuan, hmeichhia zawk chu a nui sak, a hmelthatdan chu, ka nu nise ka lo tihman hmawh, " I tha em? Na i la nei em?" tute nge an nih hre lo mah ila, ka chhungte paw'n min ngaihsak loh laia min ngaih saktute hi ka be chhe thei lo, 'ka tha tawh lutuk' tih chauhvin ka chhang, Pa zawk chu rawn tawngin, "Min hre lo mai thei hei 'Benjamina' pa ka nia hei hi a nu, kan fapa hian, lo kal turin min phût tlat a, kan hnial ngam si lo va, kan lo kal ve a nih hi i ziaawm tawh hmel hle mai, lo dam thuai thuai teh, mo hmel hmuh pawh kan chak tawh a nia," Nui deuh suk chung chuan a ti zawi sap, thla chu nei ila, ka thlawk chhuak daih hian ka ring, ka zak lutuk mahse, a huna zak lo thei ka ni ve tlat! 'A khaih mi te reu reuvin an hria ang e, ka lawm lutuk, mo tha tak innei dawn nia, ka chunga Benji-a thatna hi ka rûl seng lo vang kei chuan, mahse, Pathianin a let tamtakin a rûl ang che u' teh duah chuan, Pathian hming te ka lam ve teh mial, thinlung takin ka sawi a ni tih hria se ka ti khawp mai...