IT'S ME 6

     Spi Hauzel✍🏻
Hringnun Puanna.

Spi
      Pov...

A nu leh pa te an haw hnu chuan ka thaw huai.. huiss hepa hian engtin nge min sawi tih pawh ka hre nek lo ve a, ka chunga an thatna chu lawmthu ka sawi mawlh mawlh, mahse, hetiang em ema ka chunga an tha mai hi mak ka ti, engvang nge tih ka ngaihtuah pawh in, a chhan engmah ka hre lo.

Benji tisupin ka chhing vang vang, a hmeltha tak te, a engkim hian min hneh ngawih ngawih, a mitmeng mawlh mai hi, kei misual awmtha duh hi min tibuai hneh ngang mai, mahse, atan erawh eng nge ka nih ka sawi thei lo, hriatthiam miah si loh hian ka chhungril min fan..

"I muhil a mi?" ka bengbulah thawp sata a rawn tih chuan.. ka meng kawk, ka muhil lo tih a hre reng sia, engvanga min zawt kher nge a nih pawh ka hre nek lo ve a.
'I hriat angin ka muhil lo' ka ti sapa, a nui var var mai.. " I ril a tam em?" teh daih chuan..
"Tam em em lo va, a tam lo chuang lo' ka tih avang chuan a tho tharh,  min kalsan nal nal hepa tak hi chu aw...
'Engtikah nge dawmdawiin hi ka chhuahsan ang le..?'  ka melh zeuh pah, Rice plate-a awm ei pah chuan..
"Min va ning tawh awm, i chhuak vat ang!" a ti a,
'Â ning tih lemah ning chu ning lah lo ve, mahse, ka na  em em tawh si lo va, bakah hna ka chawl reng thei lo, keimah ka dinchhuah ve nan ka hman a ngai alawm..' ka titeh duah a.

A ngawi daih eng nge a ngaihtuah ka hre lo na in, min rawn melh leh thin vangin, ka lâi lek lek.

"I haw hunah min ngai ve ang em, min ngaihtuah chhuak ve ang em, ka lo leng i phal dawn em?" Huiss zawhna a va ngah tak!
 'A mal te te in min zawt la ka rilru a chak lo lutuka, i zawhna kha ka theihnghilh leh nghal daih' nui vur vur chunga ka tih chuan..
"Phal lo mahla ka lo leng dawn tho tho, min ngai lo mahla, pawi lo" a hriatham leka zawi chuan min melh run pah chuan a ti hmak.
'Chuti chu ka ngaihdan leh ka duhdanin awmzia a nei si lo a nih chuan.. ka ngawi mai ang' ka ti ve deuh duah, a chhan ka hriat si loh hian ka chhungril erawh a hlim veng veng.

Damdawiin ka chhuahsan hnu-ah ina awm tawp ka nih vangin, ka thianpa 'Raymond-a' chu, ka phone ani hi, Two Wheeler Taxi nei a ni a, nitin min hruai turin ka be tawp.
Ka nute in hriathiam chiah si lovin, tawngkam mei nei tak taka min tawngkhum a bansan deuh mak ka ti.. ka awm a nuam thei thak lo, tawngkam meinei deuhva min tawngkhum khan a nuam ka tidaih zawk.

Benji an vawikhat mah min be lo va, a rawn kal lo bawk, khang ka hnena a sawi te kha engtin nge ka awih theih zawk le?
Ka ngaihtuah chhuah apiangin ka zak chem chem zel..

Dan pangngai-in  hna ka zawm leh ta.. tlem chuan a hma ai chuan ka pangngai lo deuh ka chawlh rei vang nge ka hre lo, Jeje a mak a ni hepa hi, a hna a lo bansan daih engvang nge tih lah ka zawh buai a ngai lo, a chhan chu kan pu in a lo ban a, ka call a la duh lo mai ni lovin, call theih loh turin min block hmak bawk.
A pawi ka sawi ka hre miah lo, damdawiin atanga a tihtauh hnu khan min be leh ta miah lo kha a nia.

Tau peih lutuk, ka hna ka tan mawlh mawlh tawh, ka phone richhen chu ka pic vat.
'I hun a intan e, min lo call a nih chuan, hei hna ka nei a, ka hman rei lo a nia.' a ni tak tak, hnathawhlai hi chuan min lo be buai lo se ka duh a ni.

   "Addict bialnu an hausak vanga duhtu hmm hmeichhe fel tak emaw i nih ka tia" chu aw.. chu ka hriat vawikhatna a ni hauh lo, 'Malsawmkim, i lo sawi ve tur aawm lo, i duh leh i bialnu raipuar kha va buaipui rawh' tihhrawk pah chuan ka off hmak.
Min phatsan tih ka hriathnu khan vawikhat pawh ka be leh tawh lo, vawi tamtak insawifiah a tum mahse, ka ngaihthlak nachhan tur ka hre lo, mi inkar tibuaitu nih ai chuan inthiar fihlima hma lam pan ka duh daih zawk.
Kan inngaizawng lo pawh ti ila a awih dawn chuang lo va, ka sawi peih lo law law..bakah in sawifiah ka ngaih nachhan tur ka hre tlat lo, ka hre ngai lo ti ila, ka hre hnehlui bawk.
A chanchin ka hriat loh hlau niawm fahrana a chanchin min sawikhum ziah tu lah bo lo..
Tinge kan tana tha tur pawh ni lo hi kan sawi peih em em le, nun hlui tupawh in a chhe lam leh tha lam kan nei vek, a chhe lam kan han sawia, dawt tlem kan telh thin hi chu, kei misual awmtha duh hian ka hrethiam thei ngang lo a ni.