IT"S ME 7

Spi Hauzel✍🏻
 Hringnun Puanna.

Ka hna bang kan dawr kawtah, ka ding 'Raymond-a ka nghak a rei hrep leh nghala, kan pu haw tur chuan.. "thlah i ngai em?" tiin min lo zawt a ngaih loh thu in ka lo chhang thung, a chhan pawh mi min sawi dan tur ka ngaihtuaha mi sawi kaia awmfo hi ka tum lo bur, a theih hram chuan hêl hram ka duh thin.
Ka dinna zawna Hyundai car var nalh zet rawh ding chu ka melh ringawt, Mizoram pawh kan lo changkang tawh ta lutuk a ni mahna tih ka ngaihtuah.
Thawhchhuah ka le nei em em loh vang pawh a nia nge, Scooty tihvel hi la tura min tih pawh in, ka duh lo bur a chhan pawh ka thawhchhuah ka ngaihtuah in, hetiang nei tur khawpin ka hnathawh a la sang lo tlat!
"Lo lut rawh" teh tawpa ka hôvin ka en Benji maw?
'Aih mi ka nghak!'
" I nghah chu tupawh nise ka buai lo, lo lut rawh sawidun tur kan nei" a teh ngawt chuan..
'Min buaipuina avangin ka lawm lutuk mahse, chu avang ringawt chuan duh duh a i kawih phar theih erawh ka ni lo tih min hriat sak dawn nia.
Car chak fahrana tlan chhuak chu ka en zui vawng vawng, hmm a hmeichhe lo kawp tawhte chanchin ka hre lo, eng mi pawh nise, an hausa emaw mihring inzah tawnna leh duhthlan theihna kan neih hi inzah sak hram ila ka  duh bawk.

  BENJI
     POV...

Damdawiina a chhuah hnu-ah an in lama len ka tum deuh mahse, ka phone'a Massage lo thleng avangin ka thulh leh thin, ni e hmeichhe pangngai nuntluang pangngai tak, kei hian ka phu hlawl lo, ka hmangaih em ka hre lo ka khawngaihna avang pawh in, ka kalsan angai, kei ang mi laktlak loh leh Addict mai hi atan chuan, a mittui titla a, a hlimna laksaktu a ni dawnin ka hre tlat pek a nih chu.. ka duhthlanna avangin he kawng hi ka zawh a, mahse, ka kawng zawh dik loh zia henu ka tawn atang chiah hian ka hrethiam ve tan ta em ni dawn?
Ka Patea te dawrah ka kal kawi zawk ka let leh vat, mahse, ka mi hmuh avangin kal nawn leh ka duh lawi si..
Eng ang hmeichhia nge a nih le?
A hmeltha ti dawn ila hmeltha tih tur a tang chuan, ani ai tha an tam lutuk tlat!
A duhawm ti dawn ila, chupawh ani aia duhawm leh îtawm an tam nen, eng hi nge ka ngaihchhan, eng hi nge ka duhchhan, ka khawngaih vang em ni?
Chuti ringawt chu nise tanpuiin ka kalsan leh vat awm si...
Biak ka ngai a ni.
Dawr kawt ka thlen chuan dawr sir deuhvah a lo ding ka biakna avang chuan a thinrim em ka hre lo na in, min ngaina vak lo tih erawh ka hre thei, mahse, a hmela min thlakhlehna niawm tak lang chu ka hmuh hmaih hauh lo, a tawngkam avang chuan ka na hle, eng ngaihin nge min ngaih le?
Ka kawih her a ring maw?
Kei hi hmeichhia chu ngaihzawn atan chuan a pawi lo neih tur atan erawh ka ngaihtuah ngai lo, ngaihzawng hmangaih pakhat ka nei, chu erawh chu ka thlahliam rual khan a thi tawh.
Henu vang hian vawi engzah tak buai ang maw?
Eng mah ngaihtuah nei lo va, mut hlawm tawp ka duh..
Damdawi hnathawh pawh ka hria, Drug ngat phei chu a zûna uai nat zia ka hria a, chuti chung chuan kei hian ka khawih lui zela, ka hmeichhe duh em em ka hniah ngam loh phah hial chu a ni si a.
Ka kuta ka thil ken lai chu ka hum vang vang, hahdam ka duh a ni, ka tan rei lotê hahdam ka ngai!
Ka thisen a fan thlak rawih rawiha, thâ reng ka neih tawh loh hnu-ah pawh khanu bawk kha, ka mithla-ah a lang leh tawh a mak ka ti tak zet.


"Hello! Spi a ni em?" chu aw.. chu ka hriat ngai pawh a ni lo.
'Aw ni e.. eng nge nita?' ka ti sep kan hna avang pawh hian, tawngkam tha hi ka hman fo a ngaih vangin, thinrim laia min lo phone pawh in zâidam taka ka lo hmachhawn a ngai ziah hi chu, a chang chuan ka tlin lo lek lek zelin ka hria..

"Benjamina" a insut zui hlui hlawp hlawp.
'Eng maw? ka hriat loh vanga zawt nawn ka ni hauh lo, ka hre lutuk eng nge a sawi zui ang?
Ani kha ka tan engmah a ni lo, a tan pawh engmah ka ni lo, mahse, thiltha lo a chungah thleng ni mai in ka hria...