IT'S ME 8

    Spi Hauzel✍🏻
Hringnun Puanna.

' [Eng tin maw? Benji chu aawm?] sawi vat teh' ka ti tuarh.. dawra awm ve teho pawh an rawn hawi tual thap.
"Kan kaitho thei lo, a harh thei lo a tawngvai reng bawk sia.. i hming a lam renga, khawngaih in lo kal rawh!" a aw.. chu tlem chuan a zangkhai deuh, 'Ok Khawi damdawiinah nge aawm?'
"Civil Hospital-ah hmanni i damdawiin awmna ward-ah khan, lo kal vat rawh aw..." min ngen ngawih ngawih chu a ni si a.
Kan boss awmna lam pan chuan ka kal vat, chanchin vel ka hrilh chuan.. nithum lai biak theihin aawm tawh lo tih ka hre nghal bawk!
Eng vang in nge heng hi ka chungah a thlen bik le? Keimah pawh ka buai tawk viau asin le..

Ka kal nghal damdawiin ka thlen chuan.. A nu leh Pa te an lo awm min hmu chu ka lam pan in an lo phei vat.
'[Eng a tinge? tianga aawm?]" Ka hlauh thawndan em em hi eng ka ti nge mawni pawh ka hre tawh bik lo.
"Ih kan hmuh chuan a lo let reng tawh a, engvanga hetianga awm nge kan hre lo a ni, a harh chhuah mai kan ring a, mahse, harh chhuah hi a duh lo nge a tum lo kan hre lo!"
A kut zawi hniang te, a hmuihmul lo awm sep sep tawh leh a hmel dang lap mai te chuan ka lung a ti chhe lek lek.
'Benji tihian tinge i awm a? en teh min ngaithla tih ka hria a nia.." a kut a rawn chet zeuh, ka tawng a hre thei tih ka hria.. harh chhuak teh se a chak lo viau ang..
A kut ka hûm reng harh tih a nei thei si lo ka bei a va dawng tak!
Ka thu rei tawh a niang ka kawng kham lutuk chu ka tho hluai, ka kut nghet zeta rawn vuantu lam chu ka en kawk!
A harh maw?
Mak ka ti lutuk.
Lalpa ka va lawm em..
Zah pawh ka dawn thei tawh lo, Lalpa ka lawm e ka ti mawlh mawlh mahse, a la meng lo.
'Doctor rawn hruai r'u ka ti vat'
Doctor a lo thlen chuan tlem chuan min thlah dul deuh tawh, 'Ka chhungte damdawiin ka kal tih kan hrilh lawk' Tih pah chuan pawn lam kal ka rual nghal, ka nutei ka phone chuan eng nge ka tih, tiin min zawt vat, ka thian te dam lo ka kan, ka riahpui ang ka ring ka ti ringawt, eng kim hrilh ta ila min hmuh dan leh min sawi duhdan tur ka ngaihtuaha, thudik chu sawi kher ka tum lem lo, chutih rual chuan.. hriat chhuah hun an la nei dawn tih ka hria..
Benji awmna lam pan chuan ka phei leh vat, Doctor chuan "A harhchhuah vat beisei ang aw.. Damdawi mumlian a lo thleng tawh bawka!"  tih pah in, a min rawn en pah in a nui suk..
Hmm ka engmah a ni tawo si lo va..

"I ril a tam awm sia.. Bawiha nen hian chaw ei in va phei ula, in lo phei leh hunah kan haw mai ang" a nu chuan a rawn ti a.
'Tam lo ve.. va haw rawh u zanin chu ka lo riahpui ang, na chhia a ni lo va.. buaipui a ngaih vak ka ring hran lo, buaina aawm a nih chuan ka lo hrilh mai dawn che a nia..' tih pah chuan a kut chu ka hmer ngawt ngawt.

"A nih kan va phei ang a, Bawiha hian i chaw ei tur rawn keng mai rawh se." Anu chuan a rawn ti vat,
Ni e mihausa an ni chiang alawm.. mahse, hetiang damdawiina an awm hi engvang nge ni ang le..? tiin ka lo ngaihtuah leh hman hmawh tawh.
Ka ngaihtuahna hria niawm takin a pa chuan..
"Civil Hospital Doctor te hi, Mizoram Doctor thiam rual awmna a nia.. keini chhung chuan kan pan mai zela" a rawn tih chuan ka nui var var, ka ngaih ang a ni hauh lo, changkanna hi damna a ni bik lo tih ka chiang, damdawiin changkang tak pawh hi, nuna nei tawh lova chhuahsan meuh chuan..beiseina hi a sâng lo thin khawp reng a ni.


Ka rawn dah tlai deuhva min hrethiam hram dawn nia, tin thupa tlem kan belh lawk!
Phone atanga ziah chawp a ni a, min lo hrethiam dawn nia..
Min lo chhiar sak a, like leh comment te min lo pek a, inngaihdan te lo sawi ve turin ka ngen a che u.

Mut tui vek u le.😊