IT'S ME 9

   Spi Hauzel✍🏻
Hringnun Puanna.

Thu hma tlem kan nei lawk.
Story te kan ziaka thiam leh thiam lo vin, min lo chhiar sak a, min lo hlut sak ve tute in chungah lawmthu ka rawn sawi a, chutih rual chuan, story link hi, in chhiar lem loh pawh a, min lo hawn (Open) sak hram ka beisei, comment leh eng emaw te hian min tiphurin, chhunzawm chakna te min pe ve thin a, i ngaihdan te leh, i lo chhiar ve a ni tih lan tir nan a, kawmen lamah te lo lang ve tur che in ka rawn sawm che a ni e.



    Ka zân mu chu ka harh zawk mai, Benji mutna bul thuthlengah ka tlu zâl kha a nia, ka hawi chhuak vat, Lalpa ka va lawm tak em..

"Tui" a rawn ti sap tui chu no vah tlem ka bun chhuak a mutdan ka siam rem sak pah chuan, ka intir, a hmeltha tak hi a reh ve thei dawn lo a nih hi ka en reng keimah zawk ka lâi lek lek.
"Bawihi ka zun a chhuak" Aw le, ka lo kuah che nga i kal thei ang tiraw? ka lo tivat a,
A bu ngauh ringawt, Bathroom lam pan chuan ka phei pui a, "Ka hmangaihche" a rawn ti thawp sat,
Ka en ringawt ka chhang lem lo, hmangaihna hi aawm lo ti dawn ila, min hmangaihtu tam tak ka hmu, mahse, hmangaihtu der pakhat vang erawh chuan, hmangaihna hi ka ring zo tawh lo mai a ni.
"Ti nge i ngawih reng a?"  hun in a la hril ang chu ka ti leh ringawt, a tum hmak.
Bathroom a luh pah chuan, "I lo lut ve dawn lo em ni?" ka meng kawk ka inher vut ka banah min la rawn vuan hram, i cheh ang e, lut vat rawh hetah hian ka lo awm ang!
"Lo kal bo suh aw.." Hmm khawiah nge kal se min tih ni.. mak thei e..

A lut kawngka a khar dawn, a ngaih a tha lo nge ni, "Tah khan lo awm reng rawh, e lo lut ve la i mit i hup ang a," a la ti ta deuh deuh.
Lei ka chhuah khum nghek ringawt.
A zung zo lo let hma in, thlarau sual a rawn thawk phut, bathroom sir almera thawmhnaw dahna atana an dah phenah chuan ka biru pek!
Ka enthla reng, a lo chhuak, "Bawihi a ti zawi sap" Min hmuh loh vang chuan a hawi â ruai mai, ka khawngaih leh deuh, kawngkhar chu nghet taka vuan in, a ha chang a thial bap bap mai!
"Min kalsan chuan ka nung thei lo vang ka inthat duh tak tak ang, lo let rawh ka dam i la duh chuan lo let rawh, ka tih sual ka hria ka tih dik  loh te nen, chuvang chuan em ni min kalsan, kei hi tinge ka la dam reng ang?" a mit sen râm chu ka en reng a dik dawn lo tih hria in, ka birûkna atang chuan ka chhuak vat, 'Benji' ka ti sep, a lo hawi rang lutuk, hepa hi a mittui a tla maw?
Mipa-ah pawh pa lutuk tak mai hi a mittui a tla nia.. chupawh a hma ding hmeichhe der dep tak vang in a ni lawi si..
Ngawi reng in min rawn pan, min kuah vat, min kuah bet nghet mah mah in ka hria..
'Ka thaw thei lo a nia..' zawi te a ka tih chuan, min kalsan tawh suh aw.." tih pah in ka kut chu nghet zetin a chelh vat i va naupang chhia tak! Ka kalsan lo vang che, le mu leh tawh rawh ka ti a a banah ka kai phei..
Kan titi lai chuan a khur dar dar, tihngaihna ka hre lo kher mai, a vawt i ti em ni? ka tih chuan a lu a thing,tinge tianga i awm?
"Min kalsan rawh" a vîn lutuk ka phu zawk leh nghal, ka tlan chhuak vat, Doctor ka va ko ringawt!
Ka en thei lo, a hrehawm ti hmel kha, tinge tiang khan aawm?

Lalpa a nunna zuah hram rawh ka ti vat,
A rawn tho chhuak vat, kawngka bula ka ding chu ka banah na zeta min hmer pah in, a thianpa motor chabi a dil, a lo pe ve mai bawk, chak zetin min penpui hlawk hlawk, ngawi rengin ka zui ringawt.

Motor-ah chuan min nam lut rawk rawk car kawngkhar a rawn khar vat, rawn thu lut vatin car chu chak zetin a tlanchhuahpui nghal, Lalpa min vengin min awmpui hram rawh aw..
A ri dawt, Ka lu na lutuk chu ka meng thei lo.. a thim riai riai ni mai hian ka hria..
"Benji Lalpa awmpui rawh aw.." ka ti sep, engmah ka hre zui lo...